Nxënëset e klasës së IX-të të shkollës “Lismiri” kanë arritur një sukses të jashtëzakonshëm duke fituar vendin e parë në nivel të Republikës së Kosovës në garën OrangeCode16, të organizuar nga EngineeringHerFuture (EHF), në bashkëpunim me UN Women dhe Kosova STEM Centre (KSC).
Ky vlerësim përfaqëson një arritje të madhe jo vetëm për nxënëset tona, por edhe për komunitetin shkollor dhe promovimin e vajzave në fushën e teknologjisë dhe STEM-it në vendin tonë.
Postimi i shkollës:
🇽🇰 Shkolla Fillore e Mesme e Ulët “Lismiri” 🏆🥇
📅 16.02.2026
📍 Prishtinë, Kuvendi Komunal 🏢
Me krenari të veçantë njoftojmë se nxënëset e shkollës sonë: Klea Hajra, Bora Mustafa, Lijana Konjuhi, Sumeja Gojnovci dhe Melisa Gojnovci – kanë arritur një sukses të jashtëzakonshëm duke fituar Çmimin e Parë në nivel Kosove në garën OrangeCode16 të organizuar nga EngineeringHerFuture (EHF), UNWOMEN dhe Kosova Stem Centre (KSC).
Ky rezultat i shkëlqyer është dëshmi e përkushtimit, talentit dhe punës së palodhshme të nxënëseve tona, si dhe mbështetjes së vazhdueshme nga drejtori i shkollës z. Uran Tërnava, mësimdhënësja znj. Dinore Nura, znj.Drita Krasniqi dhe mentorja e ekipit -ish nxënëse e shkolles sonë, Lorena Nura.
