Nutricionistja Dragaqina tregon si t’i edukoni fëmijët për një ushqyerje të shëndetshme

Mësimi i fëmijëve për të ngrënë mirë mund të jetë i ndërlikuar.

Prindërit mund ta përcjellin atë mesazh duke folur me fëmijët për ushqimin që ata vënë në trupin e tyre, pse ka rëndësi dhe si mund të mësojnë të bëjnë zgjedhjet më të shëndetshme.

Këtë na tregon nutricionistja Mimoza Dragaqina, e ftuar në emisionin Ora e Pasdites, se si t’i bindim fëmijët të ushqehen shëndetshëm dhe se me çfarë ushqimesh duhet t’i mbushim kutit e fëmijëve në shkollë.

“Nëse vendosni t’i jepni fëmijëve ushqim me vete në shkollë, është mirë që ato t’i përgatisni në shtëpi, e jo ti blini të gatshme në dyqan, sepse duhet të bëhet një balancë i mirë i vitaminave, proteinave, karbohidrateve dhe antioksidantëve”, është shprehur ajo.