Shkolla “Shaban Golaj” në Lipovec të Gjakovës ka mbajtur mbledhje me prindër, kjo pasi në këtë komunë 19 nxënëse u vetlënduan nxitur nga një lojë e ‘Tik Tok-ut’.
Shkolla në një postim në Facebook thotë se nuk ka pasur dhe nuk do të ketë posedim të telefonit në shkollë, shkruan AlbanianEducation.net.
Njoftimi i shkollës:
Sot në ambientet e SHFMU “SHABAN GOLAJ” Lipovec është mbajtur mbledhje me prindër.
Mbledhja ishe për qellim vetëdijesuar për kujdesin ndaj nxënësve, pjesëmarrës ishin edhe policia, ku na dhanë informata dhe këshilla të mjaftueshme për parandalimin e dukurive negative në rrjetet sociale, i Falënderojmë për kohen dhe gatishmërinë.
Ne si menaxhment i shkollës i falënderojmë Prindërit dhe Nxënësit e shkollës sonë që janë aq te kujdesshëm, ku në shkollën tone, që tre vite telefonat janë te ndaluar, dhe ky vendim i shkollës është respektuar në maksimum nga nxënësit.
⛔️ Nuk ka pasur dhe nuk do të ketë posedim të telefonit në shkollë.
Faleminderit mësimdhënësve që janë aq të përkushtuar dhe të kujdesshëm për mirëqenien e nxënësve tanë.
