Njohësi i arsimit Argjend Osmani, thotë se ngritja e cilësisë në arsim kërkon monitorimin e duhur dhe se një rol të veçantë në këtë rast luajnë inspektorët.
Sipas tij, mungesa e inspektorëve pamundëson edhe monitorimin e cilësisë.
“Pa dyshim që ngritja e cilësisë në arsim kërkon edhe monitorimin e duhur, andaj edhe në këtë kontekst roli i inspektoratit është jashtëzakonisht i rëndësishëm. Fatkeqësisht deri me tash nuk ka pasur nuk mund të themi se kanë pasur kapacitete të mjaftueshme që kjo të realizohet në mënyrë efektive, është e domosdoshme që numri të rritet”.
“Numri tani nuk është i mjaftueshëm, numri i tyre duhet të rritet gjithsesi. Mungesa e inspektorëve e pamundëson monitorimin e cilësisë”, tha ai për EO.
Konkursi për 20 inspektorë në MAShTI do të jetë i hapur deri me datë 6 dhjetor 2022.
