Ministria e Arsimit ka hapur konkursin për inspektorë në të cilin do të pranohen 33 inspektorë të arsimit nga 7 rajonet e Kosovës Prishtinë, Mitrovicë, Pejë, Prizren, Ferizaj, Gjilan, Gjakovë, shkruan AlbanianEducation.net.
Njoftimin e ka dhënë e para e MASHT-it, Arbërie Nagavci përnes një postimi në Facebook.
Njoftimi:
Kemi hapur konkursin për inspektorë në Ministrinë e Arsimit, Shkencës, Teknologjisë dhe Inovacionit në të cilin do të pranohen 33 inspektorë të arsimit nga 7 rajonet e Kosovës Prishtinë, Mitrovicë, Pejë, Prizren, Ferizaj, Gjilan, Gjakovë.
Afati për aplikim do të jetë deri më datë 5 maj 2024. Deri tash, Inspektorati i arsimit ka funksionuar me vetëm 26 inspektorë të cilët mbulojnë të gjitha Komunat e Republikës e Kosovës.
Vendimi për shtimin e numrit të inspektorëve për 33, është hap i rëndësishëm në funksion të qëllimit tonë për rritjen e cilësisë në arsim.
Fokusi ynë si Ministri është që rekrutimi të bëhet sipas fushave të kurrikulës arsimore, duke plotësuar vendet e lira me kuadrin që e kemi në mungesë.
I inkurajoj të gjithë të interesuarit që të aplikojnë në këtë konkurs duke garantuar për proces të drejtë, transparent dhe vlerësim meritor.
