Ministrja e Arsimit, Arbërie Nagavci, ka njoftuar se do të pranohen edhe 20 inspektorë të rinj në fushën e arsimit.
Ajo ka njoftuar se pranimi i aplikacioneve fillon nga data 23 nëntor deri më 7 dhjetor 2022.
Njoftimi:
Është publikuar njoftimi për konkurs për inspektorë në Ministrinë e Arsimit, Shkencës, Teknologjisë dhe Inovacionit në të cilin do të pranohen 20 inspektorë të fushave të ndryshme.
Në rajonin e Prishtinës do të pranohen 2 inspektorë, ndërkaq në rajonin e Ferizajt, Gjakovës, Mitrovicës, Pejës, Gjilanit e Prizrenit nga 3 inspektorë.
Deri tash, Inspektorati i arsimit ka funksionuar me vetëm 30 inspektorë të cilët mbulojnë tërë Republikën e Kosovës. Muajin e kaluar në mbledhjen e Qeverisë, kemi votuar komisionin intervistues, për rekrutimin e 20 inspektorëve.
Edhe për vitin e ardhshëm kemi planifikuar të pranojmë 20 inspektorë tjerë të arsimit.
Fokusi ynë si Ministri është që rekrutimi të bëhet sipas 7 fushave të kurrikulës arsimore, duke plotësuar vendet e lira me kuadrin që e kemi në mungesë.
Ftoj të gjithë të interesuarit që të përgatiten për dorëzimin e aplikacioneve. Pranimi i aplikacioneve fillon nga data 23 nëntor deri më 7 dhjetor 2022.
Detajet i gjeni në këtë LINK
