Me rastin e 3 Dhjetorit – Ditës Ndërkombëtare të Personave me Aftësi të Kufizuara, Fakulteti i Edukimit i UP-së do të organizojë një program kulturor–artistik me qëllim rritjen e ndërgjegjësimit dhe promovimin e përfshirjes së fëmijëve me nevoja të veçanta.
Aktiviteti do të mbahet më 2 dhjetor 2025, në Amfiteatrin e Madh të fakultetit, duke filluar nga ora 11:00.
Ngjarja organizohet nga Këshilli i Studentëve të Fakultetit të Edukimit, në bashkëpunim me International Maarif Schools of Kosova, dhe synon të krijojë një hapësirë të përbashkët bashkëpunimi mes studentëve, nxënësve dhe institucioneve edukative.
Njoftimi i plotë:
📣 THIRRJE PËR STUDENTËT E FAKULTETIT TË EDUKIMIT
Të dashur studentë,
Ju ftojmë të jeni pjesë e programit kulturoro–artistik që do të organizohet me rastin e 3 Dhjetorit – Ditës Ndërkombëtare të Personave me Aftësi të Kufizuara.
📍 Vendndodhja: Fakulteti i Edukimit – Amfiteatri i Madh
📅 Data: 2 Dhjetor 2025
🕚 Ora: 11:00
Ky aktivitet organizohet nga Këshilli i Studentëve të Fakultetit të Edukimit, në bashkëpunim me International Maarif Schools of Kosova, me qëllim promovimin e përfshirjes, ndërgjegjësimit dhe mbështetjes për fëmijët me nevoja të veçanta.
🟦 Çfarë do të përmbajë programi?
• Program artistik nga nxënësit e International Maarif Schools of Kosova;
• Shfaqje drame me skenar të përgatitur nga studentët e Fakultetit të Edukimit;
• Pjesëmarrje e nxënësve të shkollës “Përparimi”;
• Ekspozitë artistike në hollin e fakultetit;
• Dhurata simbolike për nxënësit e shkollës “Përparimi”.
🤝 Pjesëmarrja juaj është shumë e rëndësishme për të promovuar vlerat humane, sensibilizimin social dhe bashkëpunimin ndërinstitucional.
Ju presim me shumë dëshirë!
Bëhu pjesë e ndryshimit!
