Dhimbja e kokës pas shtatzënisë, në disa raste mund të jetë e padurueshme, e aq më tepër për një nënë të re.
Në varësi të llojit të dhimbjes, qoftë si rezultat i sinusve, tensionit, migrenës, shkaku i dhimbjes ndryshon.
Studimet kanë treguar se deri në 39 për qind e grave përjetojnë dhimbje koke në javën e parë pas lindjes shkruan Healthline, transmeton Gazeta Shneta.
Këto dhimbje shkaktohen si rezultat i ndryshimeve të niveleve të estrogjenit.
Pas shtatzënisë, niveli i estrogjenit bie ndjeshëm tek gratë. Kjo po konsiderohet të jetë edhe si një shkak i depresionit pas lindjes.
Shkaqet kryesore të dhimbjes së kokës pas shtatzënisë përfshijnë:
-stresi;
-mungesa e gjumit;
-lodhje;
-dehidratim;
-rënie të niveleve të estrogjenit;
Në disa raste, dhimbja e kokës pas shtatzënisë mund të jetë një simptomë e kushteve, si:
-preeklampsia ose eklampsia;
-tumore;
Trajtimi
Në qoftë se, simptomat e juaja janë intensive dhe keni mpirje, shikim të paqartë, mjeku juaj mund t’ju kërkojë të bëni një CT ose MRI për t’u siguruar se gjithça është në rregullë.
Por, nëse simptomat e juaja janë të moderuara, sugjerohet që të bëni një gjumë të qetë, në një dhomë të errët dhe të qetë, të përdorni doza të vogla të kafeinës, të konsumoni ujë apo edhe të merrni medikame të rekomanduara nga mjeku juaj.
