Profesori Skender Avdiu, konsiderohet njëri nga drejtorët më të mirë që ka pasur Mitrovica në arsim.
Si bartës i disa pozitave në arsimin mitrovicas, Avdiu, ka dhënë kontribut të jashtëzakonshëm në përgatitjen e teksteve mësimore dhe edukimin e fëmijëve, shkruan Jepi zë.
Eksperti dhe përpiluesi i kurikulave në arsimin kosovar, Skender Avdiu, nga sot nuk do të jetë drejtor i shkollës “Musa Hoti”.
Nën udhëheqjen e tij, shkolla mitrovicase ka arritur sukese të mëdha në gara të ndryshme, dhe kjo falë punës së drejtorit Avdiu dhe stafit të tij.
Në një postim të tashmë ish drejtorit, Avdiu, shkruhet “Faleiminderit” duke bashkangjitur një foto kolektivin e shkollës, me të cilët thuhet se ka pasur marrëdhënie të shkëlqyera.
Drejtori Avdiu pritet që ta udhëheq një shkollë tjetër, që menaxhohet nga qeveria e Kosovës.
