Banorët lokal mbetën të shtangur nga ndodhia, pasi që ishin dëshmitarë teksa topi i zjarrit ra nga qielli.
Një top zjarri gjigant ka rënë nga qielli duke rënë në një fshat në Kinën jugore, raporton “DailyMail”.
Pamjet e goditjes janë kapur nga banorët lokal, teksa objekti i paidentifikuar ra nga qielli me shpejtësi të madhe.
Nuk është akoma e qartë se çfarë ka qenë ky top zjarri, por mediat lokale sugjerojnë se është një meteor shumë i ndritshëm.
Nuk janë raportuar të ketë pasur ndonjë të lënduar ose dëmtim. Video të shumta kanë vërshuar rrjeet sociale kineze, të objektit që dyshohet të jetë meteor.
Incidenti thuhet të ketë ndodhur rreth orës 7 të mëngjesit me kohë lokale. Banorët kanë raportuar të kenë dëgjuar goditje të zhurmshme.
Në një prej videove të shpërndara ka kapur momentin që topi i zjarrit ndriçon errësirën dhe godet tokën.
Një dëshmitarë në atë kohë ishte duke dërguar fëmijët në shkollë tha se në fillim topi ishte shumë i vogël, dhe brenda 3 minutave u bë shumë më i madh dhe ndritshëm deri në momentin që goditi.
Rreth orës 07:25, autoritetet shkuan në vendngjarje. Ata nuk dhanë detaje rreth ndodhisë dhe pritet të qartësojnë pyetjet e qytetarëve së shpejti.
