Një nxënës 16 vjeçar i shkollës “Hoxhë Kadri Prishtina”, O.M. po pretendon se është rrahura nga disa policë civilë në drejtorinë e kësaj shkolle.
Sipas nënës së tij, ai bashkë me disa nxënës të tjerë të kësaj shkolle para një jave pa dashje bllokuan rrugën e një veture afër shkollës.
Për këtë rast ai ishte ftuar në zyrën e drejtoreshës së shkollës, Teuta Govori, për t’u sqaruar kur mori vesh nga sigurimi se çka kishte ndodhur. Në zyre Govori kishte qenë bashkë me disa policië civilë, të cilët kur kanë marrë në pyetje të miturin dhe ky s’i kishte dhënë emrat e shokëve të tij dhe sipas nënës së tij, për këtë arsye filloi dhuna ndaj djalit të saj.
Ajo tha se djali i saj u kthye në shtëpi me shenja të dhunës.
T7 tentoi të marrë një përgjigje të premten nga drejtoresha e shkollës, por e njëjta nuk ishte e qasshme për deklaratë.
Edhe Drejtoria e Arsimit në Komunën e Prishtinës heshtën me arsyetimin se janë të angazhuar në fushatë zgjedhore.
Mirëpo, me zyrtarët policorë tash po merret Inspektorati Policor i Kosovës që pas pranimit të ankesës po e trajtojnë rastin në Departamentin e Hetimeve. – VIDEO
/Express
