Nxënësit e klasave të dyta të shkollës “Dardania” në Prishtinë kanë realizuar një vizitë të veçantë në fabrikën “Vipa Chips” në Pestovë.
Gjatë kësaj vizite, ata patën mundësinë të njihen nga afër me procesin e prodhimit të patatinave, duke parë makineritë dhe të gjitha etapet e përpunimit të patates deri në paketim.
Nxënësit mësuan rreth higjienës, teknologjisë dhe sigurisë në vendin e punës, duke përjetuar në praktikë aspektet profesionale të prodhimit ushqimor.
Puna e përkushtuar e stafit të fabrikës dhe ambientet e rregulluara e bënë këtë vizitë një përvojë mjaft të dobishme dhe edukative.
Kompania “Vipa Chips”, dhuroi produkte për të gjithë nxënësit, duke e bërë përvojën edhe më të këndshme.
Shkolla “Dardania” vlerëson lartë këtë aktivitet si një mundësi për të zgjeruar njohuritë dhe përvojat e nxënësve jashtë mjedisit shkollor.
