Drejtoresha e Arsimit në Prishtinë, Jehona Lushaku-Sadriu ka takuar dje drejtorët e shkollave fillore ku kanë biseduar që disa shkolla të organizojnë mësimin tërëditor për ciklet e ulëta, shkruan AlbanianEducation.net.
Njoftimi:
Në mbledhjen e sotme me drejtorët e shkollave fillore dhe të mesme të ulëta të Prishtinës:
Kemi biseduar bashkë për analizën preliminare e nevojën për riorganizimin e mësimit, si dhe ndarjen e cikleve në disa shkolla.
I kam njoftuar drejtorët që jemi në fazë të analizimit të të dhënave për mundësinë, që disa shkolla të organizojnë mësimin tërëditor për ciklet e ulëta; por që përcaktimi për shkollat dhe vendimin do t’a marrim pas konsultimeve finale me shkollat, mësimdhënësit dhe prindërit.
Të gjithë kemi vetëm një qëllim, që mësimi në shkolla të jetë më cilësor dhe në të mirë të nxënësve!
