Nisa Kallaba, fituese e garës së 10-të të matematikës në Dubai

7-vjeçarja kosovare, Nisa Kallaba është zgjedhur fituesja e garës së 10 të matematikës në Dubai.

Nisa u shpall fituese e garave të matematikës në grupmoshën e saj, derisa në këtë garë morën pjesë fëmijë nga 42 shtete të ndryshme të botës, me mbi 2000 fëmijë pjesëmarrës.

Vogëlushja Nisa, e ftuar në emisionin e mëngjesit “Alarm”, tregoi se për të fituar garën, ajo duhej të përfundonte 40 detyra të matematikës, brenda 3 minutave.

“Unë jam e gëzuar shumë. Atje ka qenë qyteti më i bukur dhe më ka pëlqyer shumë. Ka qenë garë jo shumë e vështirë dhe unë jam gëzuar shumë që e fitova vendin e parë”, tha ajo./atvlive.tv/