Me rastin e fillimit të javës së vlerësimit të performancës së SHFMU “Migjeni”, drejtoresha e DKA-së në komunën e Mitrovicës, znj. Drita Kadriu, përgëzoi të gjithë mësimdhënësit si dhe drejtorin e shkollës së bashku me mësimdhënësit për krijimin e klimës dhe ambientit mjaft të avancuar të të nxënit në shkollë.
Drejtoresha Kadriu, përgëzoi ekipin e menaxhmentit të mesëm të shkollës të udhëhequr nga drejtori, z. Luan Mehmeti, në përbërje të mësimdhënësve për kryerjen me sukses të vetëvlerësimit, të përberë nga: drejtor z. Luan Mehmeti, znj. Elheme Çerkini, znj. Qëndresa Barani mësimdhënëse e gjuhës dhe kryetare e aktiveve profesionale, z. Fadil Berisha mësimdhënës i gjuhës shqipe dhe mirëmbajtës i rrjetit të TIK-ut të shkollës, znj. Merita Shyti, mësimdhënëse klase dhe trajnere të programeve të ndryshme si dhe znj. Shpresa Idrizi vlerësuese e akredituar nga Inspektorati i Arsimit dhe MASHTI prezantuan punën dhe rezultatet e arritura.
Në SHFMU “Migjeni” në Mitrovicë, sot filloi faza e dytë të zbatimit të projektit KosEd që për qëllim ka ndërtimin e kapaciteteve për sigurimin e cilësisë, udhëhequr nga kolegët (“Peer led Quality Assurance capacity building”).
Pas përfundimit me sukses të fazës së parë të vetëvlerësimit të performancës së mësimdhënësve, udhëhequr nga vetë mësimdhënësit e SHFMU “Migjeni”, nga Drejtoria e Arsimit që ka themeluar ekipin komunal për vlerësimin e performancës së mësimdhënësve, duke krijuar kështu kapacitete për sigurimin e cilësisë, udhëhequr nga kolegët.
Edhe ekipi komunal do ta bëjë vlerësimin e shkollës në pesë fusha: (1) Menaxhimi dhe qeverisja; (2) Kultura dhe mjedisi shkollor; (3) Mësimdhënia, të nxënit dhe vlerësimi; (4) Zhvillimi profesional i mësimdhënësve me bazë në shkollë; dhe (5) performanca e nxënësve.
Për këtë aktivitet është hartuar plani i veprimit si dhe agjenda e vlerësimit e cila pritet të zbatohet gjatë datave 24-28 prill, kur edhe bëhet raportimi i procesit të vlerësimit.
Në një mjedis dhe kulturë mjaft të avancuar të personelit edukativo arsimor të SHFMU “Migjeni” rezultate do të tregojnë se procesi i vlerësimit është i realizueshëm dhe i domosdoshëm.
