- Advertisement1-
Dhjetëmijë nënshkrime kërkojnë t’i mbledhin organizatat e shoqërisë civile me moton “Për shpëtimin e arsimit”.
Përmes këtij peticioni ata po kërkojnë reformim urgjent të sistemit arsimor, duke mbyllur shkollat me numër të vogël të nxënësve, pensionimin e parakohshëm dhe vlerësimin vjetor të mësimdhënësve.
PETICION PËR SHPËTIMIN E ARSIMIT NË KOSOVË – Kush po e rrezikon arsimin shqip?
Rrjeti i Organizatave i Shoqërisë Civile për Arsimin Parauniversitar (RrOShCAP) po i fton qytetarët të marrin pjesë në ceremoninë e fillimit të nënshkrimit të peticionit për shpëtimin e arsimit, më 7 mars, nga ora 10:00, para Kuvendit të Kosovës.
Sipas Rrjetit të Shoqërive, teksti i peticionit është si vijon:
Ne, qytetarët e poshtëshënuar, u kërkojmë deputetëve të Kuvendit të Kosovës të marrin veprimet e nevojshme legjislative për reformimin e arsimit duke adresuar kërkesat e mëposhtme:
1. Riorganizimi i shkollave me më pak se 60 nxënës;
2. Pensionimi i vullnetshëm i parakohshëm për mësimdhënësit mes moshës 55 deri në atë 64-vjeçare;
3. Vlerësimi vjetor i shkathtësive dhe njohurive të mësimdhënies për të gjithë mësimdhënësit.
Pyetje:
1. Si e vlerësoni këtë peticion?
2. A do të merrni pjesë në ceremoninë e hapjes së tij?
3. A do ta nënshkruani ju?
