Kan nis fillimi i ndërtimit të objektit të ri të shkollës në fshatin Turjakë të Malishevës.
Lajmin e ka dhënë kryetari i kësaj komune, Ekrem Kastrati, i cili ka thënë se është tejet i lumtur që po ndërtohet objekti i ri i shkollës në vendlindjen e tij, shkruan Albanian Education.
Njoftimi i tij:
Shkolla “Fehmi Agani” në vendlindje po bëhet me objekt të ri 🏫
Jam tejet i lumtur, që sot, pikërisht në vigjilje të shënimit të 15 vjetorit të shpalljes së Pavarësisë së Kosovës, kemi vënë gurthemelin për ndërtimin e objektit të shkollës dhe sallës së edukatës fizike, në vendlindjen time, në Turjakë.
Ndërtimi i kësaj shkolle, është një nga investimet më të mëdha në gjithë historinë zhvillimore të fshatit Turjakë dhe bashkëvendësit e mi, falë kontributit të tyre ndër vite, janë më meritorët që vendlindja jonë po urbanizohet edhe me këtë objekt të ri shkollor.
Është përgjegjësi e secilit kryetar, që të angazhohet në krijimin e kushteve sa më të mira dhe cilësore për nxënësit e mësimdhënësit, kudo në territorin e komunës sonë, por ndjehem edhe më i përkushtuar për shkollën” Fehmi Agani”ku edhe kam kryer mësimet e para.
Nxënës, prindër dhe ju mësimdhënës, në Turjakë, ju uroj për këtë objekt të ri shkollor, që plotëson të gjitha standardet për një mësimdhënie e mësimnxënie cilësore.
