Autor: Xhavit Lani
Të nderuar kolegë e kolege!
Jemi në një kohë të pa kohë.
SBASHK-u së pari do të duhej t’i njoftonte mësimdhënësit me dokumentin prej 8 faqesh të cilin e ka dërguar në MASHT e ku asnjëri nga mësimdhënësit nuk është në dijeni çka përmban kjo shkresë.
Kështu që protesta nuk është asgjë tjetër veç se një lloj matjeje e cila më vonë do të shërbejë për diçka tjetër.
Unë personalisht nuk e përkrahi protestën, jo pse nuk i dua ndryshimet që janë në të mirën e mësimdhënësve dhe të gjithë klasës punëtore, por nuk di se çfarë jemi duke kërkuar.
Kam bindjen se ne që po kërkojmë miratimin e ligjit të pagave pa e ditur se çfarë përmban aj ligj po të njëjtit do të bëjmë protestë dhe do të hymë në grevë për ta shfuqizuar atë ligj që ne sot po protestojmë për miratimin e tij. Nga kjo rrjedhë se ne në mënyrë të pavetëdijshme po protestojmë.
Me këtë rast SBASHK-u së pari do të duhej që dokumentin prej 8 faqeve ta përcjellë në secilën shkollë në nivel të Kosovës dhe ta analizoj me vëmendje se çka përmban aj dokument dhe ta marr pëlqimin nga baza e më pastaj ta dërgoj në qeveri e jo siç ka vepruar deri më tani ku ne si mësimdhënës asnjëherë nuk jemi te informuar rreth atyre kërkesave. Është pikërisht kjo kryesi e SBASHK-ut që para tri viteve, gjysmën e anëtarësisë e mashtrojë duke bërë marrëveshje të fshehta pa i njoftuar mësimdhënësit.
Të nderuar mësimdhënës sikur të ishim në dijeni se çfarë përmban ligji i pagave për mësimdhënësit dhe dokumenti prej tetë faqeve që është dërguar në MASHT ne mësimdhënësit do të ishim edhe më të fuqishëm në ngritjen e zërit, mirëpo jo në këtë mënyrë sikur ne jemi analfabet dhe shkojmë pas turmës pa e ditur destinacionin se ku jemi nisur. Ju lutem mos të bëhemi të verbër para situatave si kjo.
