Historia e 1 Shtatorit
Të nderuar mësimdhënës! Kërkesat Sindikaliste janë shumë reale dhe janë për t,’u përkrahur nga të gjithë ne, madje janë shumë minimale krahasuar me gjendjen ekonomike të mësimdhënësve, ku përveç tjerash rritja e çmimeve ka pamundësuar edhe mbajtjen e familjes me pagë të mësuesit, por mendoj se kjo kërkesë është minimale krahasuar me kërkesën kryesore të mësimdhënësve për përcaktimin e vlerës së pagës që do të përcaktohet në ligjin e pagave. Greva nuk është në kohën e duhur për disa arsye.
1. Për fat të keq gjendemi në një situatë jo të mirë politike e cila sipas mendimit tim e pa parashikueshme.
2. Është krijuar si shprehi që shtatori të fillojë me greva, e qe na bije nje hije e keqe si mësimdhënës.
3. Akoma nuk kemi informacione se sa do të jet paga në ligjin e tanishëm.
Andaj ne si grupi më i madh sindikal dhe si elitë shoqërore duhet t’i japim kohë deri në nëntor eventualisht deri në Janar, kur edhe ne do të kemi informacionin e plotë rreth pagave të mësimdhënësve.
Se kam frikë se edhe nëse arrihet tani marrveshja pë 100 euro shtesë, përseri do të vjen në shprehje greva, nëse paga e mësimdhënësit nuk do të jetë e pranueshme.
Andaj bëj thirrje që ky vit shkollor të filloj i mbarë, me buzëqeshjen e nxënësve, të cilët me padurim presin takimin me mësuesin/,en e parë. Dhe të shpresojmë se deri në afatin kohor do të reflektojë qeveria.
Nuk është se nuk po e kuptojmë se qeveritë tona asnjëherë nuk e morën me seriozitet çështjen e arsimit dhe përherë e kanë pritur grevën si opsion për të lëvizë nga vend numërimi.
Pak fjalë për ju që po villni vrer për mësuesit dhe pakujdesinë e prindërve
Nuk e di se nga vjen gjithë kjo urrejtje për mësuesit?! Nuk mund ta kuptoj se cilit nivel i takojnë këta njerëz? A thua kanë sy për të parë, veshë për të dëgjuar, e duar për të prekur?!
Sikur ta kishin cilëndo prej këtyre shqisave, me siguri kishin për ta kuptuar gjendjen e mësuesit. Ndoshta po ju hyj në hak, se për të funksionuar shqisat duhet pasur mendjen e shëndoshë. Shkoni në shkollë dhe shihni kushtet në të cilat zhvillohet mësimi, shihni dhe prekni me dorën tuaj mjetet që ofrohen për mësim. Shpuzë e grisur, shkumës me cilësinë më të dobët, tabelë që nuk mund të shkruash asnjë shkronjë e as numër, fotokopje pa ngjyrë e pa letër, një projektor në një shkollë me 50 klasa dhe jo funksional, pa kabinete, pa dollap për ta ruajtur një fletë se lëre më diç tjetër. A thua kjo është shkolla e shekullit 21 ?!
A thua edhe për këtë është fajtor mësuesi?
Më siguri ju që villni vrer ose jeni të pa ditur dhe flisni kot, ose jeni prej atyre që i përcillni fjalimet e liderëve tuaj që gënjejnë pa ndalur se gjoja kanë krijuar kushte në arsim dhe nuk jeni në gjendje të dalloni fjalën nga vepra.
Suksesi i të nxënit dikur varej nga mësuesi dhe mbështetej fort nga prindërit dhe familja të cilët edhe pse ndoshta nuk dinin shkrim lexim, i motivonin fëmijët e tyre për të mësuar duke e lavdëruar shkollën e mësuesin dhe të ardhmen e tyre. E sot ndodh diçka tjetër, mësuesi e bën të pamundurën për t’i ofruar njohuri, ndërsa prindërit gabojnë rënd, në vend që ta shtyjnë përpara fëmijën e vet, ata etiketojnë, fyejnë, e çfarë nuk thonë për mësuesin e për shkollën në prezencën e fëmijëve, në rrjete sociale e kudo tjetër.
Të nderuar prindër! bëhuni të sinqertë dhe vlerësojeni vetën tuaj se sa kohë ndani për fëmijën tuaj për të komunikuar, lexuar ndonjë përrallë, tregim ose diç tjetër, bërjen e detyrave, për të luajtur, shëtitur e mbi të gjitha sa kohe keni qenë në gjendje t’i dëgjoni shqetësimet, dëshirat dhe ëndrrat e tyre dhe t’i orientoni në rrugën e drejtë. Vlerësoni vetën tuaj me nota nga 1 deri në 5 dhe mund ta kuptoni se sa jeni duke dhënë për fëmijën tuaj….. E për të qenë një fëmijë i suksesshëm prindërit duhet të jenë urë lidhëse në mes mësuesit dhe nxënësit dhe ta plotësojmë njëri-tjetrin, e jo siç po ndodhë, ku shpesh nuk e din as në cilën klasë e kanë fëmijën dhe kush është kujdestari i tij. E aq më keq kur prindi e sjell çdo ditë fëmijën në shkollë dhe nuk ia hap çantën për të parë se a i ka librat dhe fletoret e përgatitjet e tjera për mësim. Ndoshta edhe për këto mësuesi është fajtor ?!
Kur i bashkojmë këto të dyja: 1. Kushtet jo të mira për organizimin e mësimit 2. Dhe kujdesi jo i mjaftueshëm nga prindërit Rezultati del i padëshirueshëm.
Në momentin që krijohen kushte reale për mësimdhënie dhe prindërit ta ndajnë kohen dhe merren serioz me fëmijët e tyre, suksesin e keni të garantuar po nga këta mësimdhënës “ të dobët” siç po i quani tani.
