Edhe pse nuk desha të shkruaj për ligjin e pagave, përsëri më duhet të jap opinionin tim në lidhje me kinse rritje të pagës.
Po e bëjë një përshkrim të asaj që ishte në të kaluarën, dhe tani me ligjin e ri të pagave.
421€ paga bazë
58 € kualifikimi
44€ shujta
70%€ e udhëtimit brenda muajit përafërsisht 20€
E gjithë kjo rezulton me totalin 543€. Kësaj shume shto edhe përvojën nga 2€ për vit
Kjo është paga që ka qenë me Kontratën Kolektive, ani pse asnjëherë nuk arritëm me e marrë, e që tani jemi duke u ballafaquar me gjykatë.
Në ligjin e ri të pagave u vendos në pagën bazë kualifikimi, udhëtimi dhe shujta, kur i grumbullon të gjitha këto bëjnë 543. Që do të thotë se rritje kemi vetëm 45€ sepse 543+45=588 €
Sipas Kontratës Kolektive 543€+ përvoja që është llogaritur 2€ për një vit.
Me ligjin e ri të pagave 588€ duke i shtuar kësai edhe përvojën e punës 0.25% që është 1.47€ deri në 15 vite përvojë, apo 05% që është 2,94€ mbi 15 vite përvojë.
Me këtë rast Qeveria nuk është dashur të proklamoj si rritje të pagave, por si zotim që do t’i përmbushë obligimet e veta konformë marrëveshjeve të nënshkruara më pare me Kontratën Kolektive.
Ajo që është edhe më shqetësuese, është përvoja e punës ku u bë një diskriminim në dallimin mes atyre që i kanë 15 vite përvojë pune dhe atyre mbi 15 vite. Madje edhe më keq se kjo, i njëjti person me një përvojë pune 30 vjeçare llogaritet me dy mënyra. (me dy tarifa si shpenzimet e rrymës)
Pesëmbëdhjetë vite llogariten 0.25% të pagës bazë që i bie 1,47€ për një vit përvojë.
Dhe gjashtëmbëdhjetë vite e tutje llogaritet 0.5 të pagës bazë që i bie 2.94€ për një vit përvojë.
Në këtë rast shtrohet pyetja :
Mbi cilat kritere u bë ky kategorizim? Të paktën na sqaroni se nga erdhi kjo?
Në momentin kur një mësimdhënës e nënshkruan kontratën e përhershme madje edhe licencohet mendoj se duhet të jetë i barabartë me të gjithë të tjerët.
Për këtë kam pritur se do të reagoj SBASHK-u, por si po duket akoma nuk po munden me e marrë vetën.
Me këtë rast u bëj thirrje të gjitha sindikatave në sektorin publik, e me theks të veçantë SBASHK-ut që ta ngritin zërin që ky kategorizim të rishqyrtohet dhe të jetë i barabartë, dhe në të njëjtën kohë të kërkohet ngritja e vlerës së koeficientit të paktën në 120€.
I nderuar Kryeministër gjeje mënyrën e korrigjimit të gabimeve se ky kategorizim është i paqëndrueshëm e mos të them qesharak.
Me respekt për të gjithë ata që e meritojnë!
