Shkrim nga Xhafer Avdyli deri dje mësimdhës tani pensionist
Ndjenja e respektit është një prej ndjenjave thelbësore në marrëdhëniet njerëzore me anë të të cilës ne ndërtojmë bashkëveprim dhe bashkëpunim në shkollën time ku punoja deri dje në Gllaviçice dhe në Leshan.
Në shkollën time nuk mungoi kurr respekti për njëri-tjetrin, respekti luan një rol thelbësor në ndërtimin e kulturës së shkollës dhe të kulturës në vendin e punës si mësimdhënës, si pjesë e shkollës.
Në këtë shkrim-artikull, trajtohen disa ide mbi rëndësinë e respektit reciprok mes kolegëve në vendin e punës dhe efektet në ecurinë dhe zhvillimin e ekipeve për mbarëvajtjen e mësimdhënies dhe mësimnxënies në tërësi.
Kultura e vendit të punës është karakteri i përgjithshëm i shkollës tonë me pak ndryshime nga një shkollë tek tjetra, kultura e vendit të punës mund të përfshijë elemente të tilla si vlerat e mesimit, besimet, sjelljet, qëllimet, qëndrimet dhe metodat e punës.
Në të gjitha rastet, në shkollën “Zef Serembe” duan të krijojnë një kulturë pozitive, por kjo nuk mund të jetë e plotë pa një vlerësim dhe vëmendje ndaj respektit për anëtarët e ekipit, për të gjithë mësimdhënësit e të gjitha niveleve.
Deri me tani kjo shkollë lë një përshtypje që po zbaton parametrat e një shkolle që po korr rezultate.
