Nga Viktor Buzhala
Padyshim që Vali Corleone e Papi Chulo janë aksidente sociale që lindin në një shoqëri sociopate. Ata janë devijantë të civilizimit dhe kulturës njerëzore. E ulin në nivelin minimal. Është normale të ketë persona të tillë në një shoqëri.
Por, nuk është normale me i pasë idolë. Një shoqëri e tillë që i ka ata idolë, ska të ardhmen.
Një nga shkollat më të vlerësuara në Kosovë për nivelin e arsimimit fillor dhe të mesëm të ulët është shkolla Dardania e Prishtinës. Aty, Papi Chulo kaloi një ditë me BMË-në e tij të gjelbër. Nxënësit i ofruan adhurim të jashtëzakonshëm. Nuk e linin të kalonte të shkretin nga dashuria e madhe ta kenë në mesin e tyre.
Dmth një personalitet i devijuar që tan ditën i shashtrisë mijëra banorë të lagjes Mati 1 duke iu shkaktuar ndotje të jashtëzakonshme akustike përmes muzikës në kup të qiellit është bë më i adhuruari i nxënësve. I nxënësve më të mirë të Prishtinës, e mbase edhe Kosovës. Adhurimi ndaj tij shprehet para shkollës.
Pas nuk qëndron as Vali Corleone. Ai është personalitet tjetër devijant nga normat shoqërore që ashurohet e idolizohet me të madhe në Kosovë.
Të dy njihen si apasionantë të veturave. Nëse midis shkolle, mësuesit nuk kanë arritur që nxënësve tua ngulisin në kokë që njerëzit me sjellje të përcudme dhe që nuk e reprezentojnë asnjë talentë, asnjë vlerë, të mos i adhurojnë, por ti përcmojnë dhe të ikin nga ta, atëherë i ke mësuar ti donë.
Pra, fajtori kryesor në këtë rast, kur ngjarja ndodhë në shkollë, janë mësuesit. Ata, përmes ndërtimit të një sistemi arsimor, por që ua mëson vetëm ABC-në, ndërsa mënyrën e mendimit tjetërkush, janë duke e shkatërruar komplet këtë shoqëri. Një shoqëri që i do vetëm kerret e shtrenjta, sjelljet e përcudme dhe antivlerat nuk ka të ardhme. E vetmja prespektivë e saj është të emigrojë në Gjermani.
