Një propozim për mundësinë e zëvendësimit të orëve sipas kalendarit shkollor të përpiluar nga MASHTI në gusht 2022.
Kolegë të nderuar mendoj se, për hirë të fëmijëve, duhet t’i zëvendësojmë orët e humbura, por jo ditët.
Si të bëhet kjo?
Viti shkollor ka 185 ditë, kurse orë të humbura gjatë 22 ditëve të grevës janë 22×6=132 më e shuma ( shmu) dhe 4×21+8=92 më e paka (klasat I dhe II të fillores)
Deri në fund të vitit kanë mbetur 185-27=158 ditë.
Atëherë:
Për nivelin fillor të zëvendësohen rreth 3 orë në javë.
Niveli i mesëm i ultë dhe i lartë rreth 4 orë në javë, ose çdo ditë nga 1 orë deri të arrihet numri i orëve të humbura, pra 132 maksimumi.
Nëse niveli i mesëm i lartë nuk ka në orar 7 orë ndonjë ditë (këtë nuk e di mirë)
Mënyra e zëvendësimit të mbetet në përgjegjësi të DKA-ve, për shkak të specifikave të komunave.
Kështu nuk u mohohet nxënësve, e as mësuesve, e drejta e pushimit të fundjavës, pushimit dimëror dhe atij pranveror dhe as nuk vonohet përfundimi i vitit shkollor.
