Valdrin Rrahmani, i lindur më 27 tetor 1996, është një shembull i shkëlqyer i suksesit dhe përkushtimit në arsim. Dikur një nxënës i shkollës “Shkëndija”, sot ai rikthehet në të njëjtin institucion, por tashmë si mësimdhënës, duke ndarë dijen dhe përvojën e tij me gjeneratat e reja.
Karriera e tij arsimore filloi më 1 shtator 2021 në ISP, ndërsa prej 9 janarit të këtij viti është pjesë e stafit pedagogjik të shkollës sonë. Megjithëse vetëm prej tre muajsh si mësimdhënës në “Shkëndija”, Valdrini ka dëshmuar një përkushtim të jashtëzakonshëm ndaj mësimdhënies dhe një qasje moderne e bashkëpunuese me nxënësit dhe kolegët.
I dalluar për punën e palodhshme, përgjegjësinë dhe iniciativën, ai ka sjellë një energji të re në shkollë, duke ndihmuar në krijimin e një ambienti të motivueshëm dhe frymëzues për nxënësit. Si një ish-nxënës i kësaj shkolle, ai e kupton dhe respekton traditën e saj, ndërsa njëkohësisht kontribuon në përmirësimin e vazhdueshëm të cilësisë së arsimit.
Drejtoresha e shkollës “Shkëndija”, Minire Berisha, e përgëzon Valdrin Rrahmanin për angazhimin, profesionalizmin dhe përkushtimin e tij në procesin mësimor. Rrugëtimi i tij nga nxënës në mësimdhënës është një inspirim për të gjithë dhe një dëshmi e fuqisë që ka arsimimi cilësor në ndërtimin e të ardhmes. I urojmë suksese të vazhdueshme në këtë rrugëtim të rëndësishëm!
©Albanian Education – Të gjitha të drejtat e rezervuara
