Arsimi është themeli mbi të cilin ngrihet zhvillimi i çdo shoqërie. Nëse mësimdhënësit, që mbajnë mbi supe formimin e gjeneratave të reja, trajtohen si pjesë e lojërave politike, atëherë humb shpresa e këtij vendi për arsim cilësor dhe të drejtë.
Prej vitesh, arsimi po përballet me sfida të shumta: mungesë vlerësimi, mungesë motivimi, ngarkesë të tepërt, kushte të kufizuara dhe ndërhyrje të vazhdueshme nga politika. Mësimdhënësi nuk duhet të jetë as instrument presioni, as target fushatash, e as arenë e interesave të dikujt. Ai duhet të jetë i lirë, i mbështetur dhe i respektuar për misionin e tij.
Çdo përpjekje për ta përdorur mësimdhënësin si pjesë të lojës politike e dëmton direkt cilësinë e arsimit. Kur energjia e mësimdhënësit largohet nga nxënësi dhe përqendrohet te presionet e jashtme, dëmtohet procesi mësimor, bie motivimi dhe nga kjo humbet më së shumti fëmija – ajo për të cilën punojmë çdo ditë.
Politika vjen e shkon. Por mësimdhënësi mbetet.
Dhe nga mënyra se si e trajtojmë atë, varet cilësia e shkollave tona, suksesi i nxënësve dhe e ardhmja e shoqërisë.
Prandaj, është koha që të ndalet përdorimi i mësimdhënësve për interesa politike.
Arsimi kërkon profesionalizëm, stabilitet dhe vlerësim real.
Mos ta humbim shpresën e këtij vendi për arsim cilësor duke e kthyer shkollën në skenë të lojërave të pavenda.
Arsimi është investim, jo fushatë.
Mësimdhënësi është vlerë, jo mjet.
E ardhmja është e fëmijëve – dhe ata meritojnë më të mirën.
© AlbanianEducation.net – Të gjitha të drejtat e rezervuara
