Ministrja e Arsimit, Shkencës, Teknologjisë dhe Inovacionit, Arbërie Nagavci, ka paralajmëruar vlerësim të performancës së mësimdhënësve, krahas rritjes së pagave në arsim.
Ajo përmes një postimi në Facebook, duke shkruar për fillimin e vitit të ri shkollor, ka thënë se paralajmërimet e SBASHK-ut për greva, nuk kanë arsyetim.
Analistja Luljeta Aliu ka mirëpritur deklaratën e ministres Nagavci, duke thënë se me lypë rroga mësimdhënësit nuk përtojnë, por të testohen për performancë nuk iu pëlqen.
“Po pra! Mësimdhënësit duhet të vlerësohen. Po ta kishin merituar secili vendin e punës, Kosova nuk do të ishte kaq e dobët në teste të PISA dhe nuk do të kishim kaq shumë nxënës që nuk dinë të lexojnë.
Me lypë rroga nuk përtojnë, por të testohen për performancë nuk iu pëlqen. E ashtu nuk ka!”, ka shkruar ajo.
