Roli i koordinatorit të cilësisë shkon përtej detyrave administrative. Ai është koordinues i proceseve të vetëvlerësimit, nxit reflektimin profesional, promovon bashkëpunimin ndërmjet mësimdhënësve dhe mbështet udhëheqjen e shkollës në planifikimin dhe zbatimin e aktiviteteve që ndikojnë në përmirësimin e performancës së institucionit.
Sigurimi i cilësisë nuk arrihet vetëm përmes monitorimit, por mbi të gjitha përmes bashkëpunimit, mbështetjes profesionale, analizës së vazhdueshme të punës dhe gatishmërisë për të mësuar nga përvojat.
Pikërisht këtu qëndron vlera e koordinatorit të cilësisë: ai ndihmon që këto procese të jenë të organizuara, të vazhdueshme dhe të orientuara drejt rezultateve konkrete.
Sa më i vlerësueshëm të jet roli i koordinatorit të cilësisë në shkollë aq më të mëdha janë mundësitë që shkolla të zhvillojë një kulturë të cilësisë. Kur secili e kupton dhe e mbështet rolin e koordinatorit, proceset e përmirësimit bëhen më efektive, vendimmarrja mbështetet në analiza dhe dëshmi, ndërsa përfituesi më i madh mbetet gjithmonë nxënësi.
Prandaj, koordinatori i cilësisë është një faktor kyç në zhvillimin e shkollës moderne. Si pérfundim roli i koordinatorit té cilésisé në shkolla duhet të forcohet dhe ti kushtohet rëndësi sepse ai mundé të jet qelsi i suksesit té njé shkolle.
*Autori është Koordinator për Cilësi, në shkollën “Bafti Haxhiu”, në Viti
