Nga Gjilani në skenën ndërkombëtare – Morena Aliu me sukses të madh në piano

Nxënësja e Shkollës së Muzikës në Gjilan, Morena Aliu, ka shënuar një sukses të rëndësishëm në fushën e muzikës, duke u vlerësuar me çmimin e parë në garën ndërkombëtare “Garden International Piano Key” në Maqedoni të Veriut.

Morena ka përfaqësuar denjësisht shkollën e saj në këtë kompeticion ndërkombëtar, ku pjesëmarrja e saj ka kontribuar edhe në prezantimin e Kosovës në mesin e vendeve pjesëmarrëse të garës.

Ajo është vlerësuar për interpretimin dhe rezultatet e arritura, të cilat kanë tërhequr vëmendjen e jurisë.

Falë punës së saj të vazhdueshme dhe rezultateve të shkëlqyera në gara të ndryshme, Morena Aliu është shpallur nga Komuna e Gjilanit si pianistja më e mirë e vitit, duke u cilësuar si një talent premtues në muzikën klasike.