PLANET MËSIMORE
Kurikula e re, ka filluar të zbatohet nga 2014 në shkollat tona.
Ajo ka;
Shtatë Fusha,
Gjashtë shkallë,
Gjashtë kompetenca dhe pesëdhjetë nënkompetenca.
Një plan-program i bazuar në 69 elemente.
Secila nga këto fusha, shkallë, kompetenca dhe nënkompetenca, nuk ndikojnë aspak në mësimnxënie. Gjitha këto elemente, ndikojnë direkt në mësimdhënie, por aspak në efikasitetin e tij.
Rezultatet e të nxënit për kompetencën kryesore të fushës.
Rezultatet e të nxënit për shkallën e kurikulës. Kompetenca aq e kompetenca kaq; 3.1-6.4-2.7 etj etj, janë disa nga katrahurat e kësaj kurikule katrahureske.
Për çfarë kompetencash po flasim, kur mësuesin e keni zhveshur nga çdo lloj kompetence reale?!
Në cilat fusha po shtrihemi, ku gjithçka e keni bërë mish-mash?
E cilat shkallë po ngjisim, duke krijuar terminologji alienësh?
Dikur kishim plane njëmujore me këto elemente:
TEMA
NJËSIA MËSIMORE
METODAT MËSIMORE
MJETET MËSIMORE
FORMAT E PUNËS dhe
OBJEKTIVAT. Pra kishim gjashtë elemente në krahasim me sot që ky numër u shtua me 63 syresh.
Çka avansuam me këtë strukturë të re kurikulare?
Erdhi koha të reagojmë sa nuk është tepër vonë.
Sistemi ynë ka degraduar, sidomos këtë dekadën e fundit.
Më poshtë gjeni dy modele të planeve mujore, atë të sotmin dhe atë të para dhjetë viteve.
