Të mendosh ndryshe nuk është krim, madje i kontribuon shumë të jetuarit në demokraci!
Diversiteti i të menduarit dhe vepruarit ndryshe do të duhej të respektohej e jo të përdorej si kundër propagandë për t’i frikësuar mësimdhënësit e tjerë!
Punëdhënësi i mësimdhënësit është Drejtoria Komunale e Arsimit (me të cilët secili mësimdhënës lidhë kontratë pune) dhe jo SBASHK-u!
Kërcënimet me largim nga puna nuk janë tjetër veçse shantazh dhe mungesë argumenti për kërkesat banale në kurriz të mësimdhënësit edhe ashtu me gjendje të rënduar!
Të nderuar kolegë, ju falenderoj për përkrahjen morale që ndatë sot me mua, propagandat dhe shantazhet nuk mund ta mbysin zërin e së vërtetës!
Arsimi në vend ka shumë probleme, ato nuk mund të zgjidhen me 100€ dhe duke ua pamundësuar fëmijëve vijimin e mësimit në shkollë!
Fëmijët do të mund t’i sakrifikonim kur kërkesat tona do të ishin të arsyeshme dhe se gjeneratat e tëra do të përfitonin nga ajo sakrificë dhe jo ta nëpërkëmbim dinjitetin e të qenurit mësues!
*Autorja është mësuese në shkollën fillore “Dardania” në Prishtinë
