“Bëhu mësuese se orari i shkurtë”, “Studio në Edukim se ma lehtë me hi në punë”… janë vetëm disa nga frazat që përcjell çdo gjeneratë të e re!
Të qenurit mësues/e nuk është thjeshtë një profesion sa për ta marrë në fund të muajit rrogën.
Mësimdhënia është një mision shumë fisnik që tejkalon çdo trajtë profesioni. Ajo buron thellë në zemrën e njeriut që vendosë të jetë pjesë e atij misioni.
Mësuesi/ja si qenie njerëzore është shembulli, shtytësi i veprave të mira, formuesi i drejtë i karaktereve të fëmijëve.
Ai/ajo që edhe ëndrrat më të pamundura i bën realitet vetëm e vetëm t’u jap shembuj ardhmërisë së kombit se puna dhe ndershmëria është ajo që i ngritë në piedestalin e dëshiruar.
Diversiteti nacional dhe kulturor assesi nuk mund të jetë pengesë për krijimin e një qytetarie të ndershme dhe jo diskriminuese!
Pra të dashur studentë të ardhshëm! Para se të niseni të shkoni drejt dyerve të Fakultetit të Edukimit, pyesni zemren tuaj a e përballon mirësinë e të qenurit mësues dhe sa ju jeni të gatshëm të jeni shembuj të mirë për qenien më të pafajshme – fëmiun!
- Autorja është mësuese në shkollën fillore ‘Dardania’ në Prishtinë
