Diart Salihu – Student i Fizioterapisë, “Ndikimi i Peshës së Çantave Shkollore në Posturën e Fëmijëve të Ciklit Fillor”
Në një botë tërësisht digjitale, fëmijët e ciklit fillor në Kosovë, për shkak të mungesës së çasjes digjitale në materialet shkollore janë të detyruar të bartin në shpinë çanta shkollore shumë të rënda që ka ndikim negativ dhe kronik në zhvillimin muskulo-skeletal.
Zakonisht, kur muskujt dhe vertebrat janë ende në fazën zhvillimore presupozohet që për një zhvillim të mirëfilltë të ketë një kujdes të veçantë e të shtuar që zhvillimi i tyre të jetë i mirëfilltë në proporcion me kohën që është i paraparë zhvillimi.
Çka duhet të kemi parasysh, është që këto çanta nuk janë të ekuilibruar në formë të barabartë, shkaktohet tension në muskujt e shpinës, e pastaj me lidhje sporadike krijohen edhe çregullime tjera të vertebrave, si pasojë e shtypjes në disqet vertebrale.
Disa prej çregullimeve që këta fëmijë mund të hasin në të ardhmen janë këto deformime:Kifoza, Lordoza, Skolioza, si dhe ndër më të shpeshtit asimetria muskulore.
Në këtë rast do të duhej të ekzistonin politika shëndetësore dhe arsimore që organizojnë kampanja edukative për mësimdhënësit dhe drejtorët e shkollave, fillojnë transformimin duke u dhënë çasje digjitale, të gjitha këto masa nëse nuk ofrojnë zgjidhje , ofrojnë lehtësim të përkohshëm. /AlbanianEducation.net
