Interneti është pjesë e pandashme e jetës së të rinjve. Për të ofruar një mjedis më të mirë na përket të gjithëve duke kontribuar për ta bërë internetin hapësirën e informimit dhe komunikimit në mënyrë të sigurtë.
Respektimi i teknologjisë me përgjegjësi dhe ndërgjegjësim sjell produktivitet në mjediset e shkollës por jo vetëm.
Të rinjtë kanë të drejtë të informohen dhe të shprehin veten e tyre duke gjeneruar ide dhe shkëmbyer informacion , duke u konsideruar si protagonistët kryesor të internetit.
Ky zhvillim i vrullshëm shoqërohet drejtperdrejt me ekspozimin e ketyre të rinjve ndaj rreziqeve si pasojë e përdorimit të tepërt dhe jo të sigurtë.
Kohët e fundit vihet re tendenca në rritje mbi situatat e dhunës, bullizmit, shantazhimeve dhe perndjekjeve që rrezikojnë adoleshentët brenda dhe jashtë mjediseve shkollore si rezultat i keqperdorimit te rrjeteve sociale dhe internetit në përgjithësi.
Ekspozimi ndaj rreziqeve është i madh ndaj dhe siguria e përdorimit të internetit duhet të jetë e madhe.
Ndeshja me faqe interneti të pahijëshme mund të ndikojë në procesin e të menduarit dhe të sjelljes.
Ndaj angazhimi i të gjithëve prej nesh duhet të jetë i madh duke dhënë mesazhe ndërgjegjësuese, duke shpërndarë materiale informuese dhe duke përcjellë raportim të rasteve në mënyrë që ta parandalojmë këtë fenomen i cili mund të konsiderohet si një plagë e shoqërisë moderne.
