Tash e gjithmonë:
MBAHU MËSUES!
(Skicë për ese)
Mbahu mësues! Sado që të shajnë, sado që të fyejnë, sado që të përçmojnë, Ti, mbahu Mësues! Mbahu se ti je mësues, je misionar, je i shenjtë. Ti je vetë universi i të gjitha vlerave. Andaj, mos u brengos kur të përbuzin! Fali! Fali se ata janë të mjerë, të mbështjellur me injorancën e tyre.
Mësues, bëje të pamundurën që përmes shembullit tënd, të heshtin injorantët! A të kujtohet kur Migjeni përkëdhelte ballin dhe zhelet e Lulit të Vocërr?
A të kujtohet kur Afërdita (modeli ideal i mësuesit) kishte ngritur nga humnera e mosdijes një turmë të tërë të Grykasit?
A të kujtohet kur për dhjetë vite, në kushte të robërisë e terrorit, mbajte gjallë shpresën për liri të Kosovës?
Po pra, Mësues! Mendja dhe duart tuaja janë të arta. Ti din ta kalosh situatën, pa mëri, me zemër të madhe dhe mendje të kthjellët! Ka rrugëdalje. Ky popull ka nevojë për mësues.
/AlbanianEducation.net/.
