Ministrja e Arsimit Evis Kushi, uron nxënësit për fillimin e Vitit të Ri, duke qenë se nesër është dita e parë e shkollës.
“Shpresoj të keni mbledhur plot energji që nesër t’u riktheheni shkollave plot dëshirë e pasion për të mësuar më shumë”, shkruan ministrja ndër të tjera.
Kushi kërkon nga nxënësit që të tregojnë kujdes të shtuar për higjienën dhe të gjitha masat kundër pandemisë.
Të dashur nxënës, Shpresoj të keni kaluar festa e pushime të gëzuara, e të keni mbledhur plot energji që nesër t’u riktheheni shkollave plot dëshirë e pasion për të mësuar më shumë. Rikthimi në shkollë ju bën bashkë me shoqet, shokët, mësuesit, të kaloni çaste të bukura por edhe të mbështesni më shumë njëri-tjetrin.
Ndërkohë dua t’ju kujtoj edhe një herë që të kemi kujdes të shtuar për higjienën dhe të gjitha masat kundër pandemisë. Shkollat e hapura dhe mësimi në prezencë fizike kërkon vëmendjen dhe përgjegjësinë e të gjithëve bashkë. Ju uroj shumë suksese dhe vit të mbarë!
