Nesër është 1 shtatori. Normalisht nxënësit do të duhej të shkonin në shkollë.
Por fatkeqësisht ata ende nuk e dinë nëse nesër duhet të shkojnë apo jo në shkollë për të nisur vitin e ri shkollor.
Kjo për shkak se SBASHK thotë se greva e nisur më 25 gusht do të vazhdojë pasi nga Qeveria e Kosovës nuk po ulen të bisedojnë për kërkesat e tyre.
Ndërsa nga Ministria e Arsimit janë të vendosur se mësimi do të nis më 1 shtator, çka e tha të martën edhe e para e arsimit në vend, Arbërie Nagavci, pas takimit me drejetorët e Drejtorive Komunale të Arsimit, çka tha se edhe këta të fundit janë pajtuar që kjo të ndodhë.
Ndërsa kreu i SBASHK-ut, Rrahman Jasharaj, ka thënë se nuk ka gjasa të nis mësimi pa u plotësuar kërkesat e tyre, që janë ndarja e 100 eurove derisa të miratohet ligji i pagave.
Kurse situata është acaruar më tej, ku ministri i Financave, Hekuran Murati, ka deklaruar se do t’iu ndalet paga punëtorëve që hyjnë në grevë.
Ndaj tij ka reaguar Rrahman Jasharaj i cili ka thënë se do ta paditin ministrin Hekuran Murati.
Ndërsa nuk ka një ulje në tavloinë mes palëve dhe përplasjet mes tyre vazhdojnë, nxënësit në anën tjetër nuk e dijnë nëse nesër duhet të marrin rrugën drejt bankave shkollore, ashtu si edhe mësuesit që kanë mbetur në një pozitë tejet të palkamueshme, në njërën anë nga kërkesa e SBASHK për të hyrë në grevë, kurse në anën tjetër nën kërcënimin se do t’iu ndalen pagat nëse hyjnë në grevë. /Albanian Kids Eduation/
