Profesori i Tregjeve Ndërkombëtare, Florin Aliu, ka krahasuar veshjet e profesorëve në universitete në Kosovë me ata të universiteteve në shtetet perëndimore.
Aliu ka shkruar se nëse futesh në Universitet të Prishtinës të duket sikur jeni në një dasmë pasi të gjithë profesorët janë të veshur me kostume, kravat e marzheta.
Ai ka thënë se një veshje të tillë nuk sheh në universitetet perëndimore, pasi profesorët nuk dallojnë nga studentët për nga veshja.
“Nëse shkoni në kampusin universitar të Universitetit të Prishtinës, nuk e dini nëse jeni në dasmë apo në universitetit. Të gjithë profesorët me kostume, kravata, marzheta. Të punosh në universitet shtetëror është si të punosh në tregun e zi të ndërtimit, “përfundo punën shpejt dhe ik”. Nëse shkoni në kampusin universitar në vendet perëndimore, nuk mund të bëni dallimin mes studentëve, profesorëve apo punëtorëve në kuzhinë.”, ka shkruar ai në Facebook.
