Prindërit vazhdojnë të shprehin shqetësimin e tyre rreth mossubvencionimit të parave për librat edhe pse thonë se kanë aplikuar.
Një nënë nga qyteti i Klinës ka shkruar në adresë të AlbanianEducation.net ku ka paraqitur shqetësimin e saj.
Ajo ka treguar se i ka tre vajza në shkollë dhe se mësimdhënësit po ua kërkojnë librat, por ato nuk i kanë blerë sepse ende nuk ju kanë subvencionuar paratë edhe pse kanë aplikuar qe një javë.
“Kam aplikuar të hënën, pra sot një javë. Paratë ende nuk kanë dalë. Tri vajza i kam në shkollë, njëra në klasë të dytë, njëra në të katërtën dhe tjetra në të pestën, por librat nuk i kanë ende. Ndërsa mësuesit po ua lypin librat. Iku një javë dhe askush nuk e di se kur na i qesin në xhirollogari paratë për t’ia blerë fëmijëve librat”, ka thënë kjo nënë e shqetësuar për AlbanianEducation.net.
Ministria e Arsimit ende nuk ka dhënë një datë se kur do të bëhet pagesa e radhës për librat. /AlbanianEducation.net/.
