Ardit Mancaku është tashmë një ndër personazhet më të dashur në Shkodër. Edhe pse i prekur nga nanizmi, kjo nuk e ka penguar atë të shijojë çdo moment të jetës.
I ftuar në “ABC e Mëngjesit”, Arditi ka treguar historinë e vështirë të jetës së tij, sesi nëna e ka hedhur në një grop gëlqereje. Më tej, pasi ajo e ka braktisur, Arditi është birësuar nga një familje italiane deri në rikthimin pjesë e projektit “Shpresa” në Shkodër.
“Kam 24 vjet te projekti ‘Shpresa’ dhe i jam falenderues. Ky projekt është prindi im dhe pa të unë nuk e di se ku mund të isha.
Unë nuk dua ta di për prindërit, kur isha ne Itali isha rehat me Zotin dhe me familjen adoptive. Kur më pyetën zgjodha familjen biologjike dhe ja futa vetes.
Nëna ime nuk më donte për shkak të gjatësisë time. Mua prindërit më kanë lënë që në moshën njëvjeçare.
Unë kam lindur normal, po më ka hedhur në gropë të gëlqeres nëna ime dhe më ka gjet gjyshja ime. Prandaj jam bërë kështu. Nuk ja vlen të më kërkojnë fare, sepse jam më rehat te projekti ‘Shpresa”.
