“Në vitin 1997 mësimdhënësit më kanë ‘shkokluar’ duke më rrahur, sot s’do t’i lejoja kurrë”

Këngëtari nga Shqipëria, Arkimed Lushaj – Stresi ka folur të enjten mbrëma rreth periudhës së viteve të 90-ta dhe sistemit shkollor të asaj kohe.

Stresi ka zbuluar se ka qenë pre e dhunës fizike nga mësimdhënësit e asaj kohe, derisa ka theksuar se një akt të tillë nuk do të lejonte kurrë që t’i ndodhte fëmijës së tij në të ardhmen.

“Në brezin tonë në Shqipëri na kanë rrahur fortë. Sot, me zor pres të bëhem babë, dhe me ma rrahë dikush fëmijën tim para klase, s’ka shanse”, ka thënë Stresi.

“Por, atëherë ashtu ka qenë. Po, flas për vitet 97-98. Mua s’ka pasur kush me më mbrojtë se nëna më ka punuar non-stop, më kanë shkokluar duke me rrahur”, ka shtuar ai.