Në shkollën shqipe Iliriada në Antwerpen të Belgjikës, gjuha shqipe po flitet, po ndihet dhe po merr jetë çdo ditë, shkruan AlbanianEducation.net.
Në njoftim të shkollës thuhet se “fëmijët tanë këndojnë shqip, mësojnë historinë tonë dhe ndajnë përjetime që na lidhin me njëri-tjetrin, si një komb i bashkuar”.
Njoftimi nga Shoqata Iliriada:
Prindër te dashur,
Në shkollën tonë shqipe ILIRIADA këtu në Antwerpen, gjuha jonë shqipe po flitet, po ndihet dhe po merr jetë çdo ditë.
Këtu, fëmijët tanë këndojnë shqip, mësojnë historinë tonë dhe ndajnë përjetime që na lidhin me njëri-tjetrin, si një komb i bashkuar. Historia jonë është ende e pranishme në zemrat tona dhe po e ruajmë me çdo hap që hedhim.
Faleminderit të gjithëve ju prindërve që po e mundësoni këtë.
Ne i bëjmë thirrje të gjithëve që ende nuk kanë marrë pjesë të bashkohen me ne, sepse në këtë shkollë , dyert janë gjithmonë të hapura për të gjithë.
Po ndodh një bashkim i vërtetë: bashkimi i Shqipërisë dhe Kosovës, dhe ky bashkim po realizohet këtu, në Antwerpen, ku secili prej nesh është pjesë e një familje të madhe.
Ejani dhe bashkohuni me ne në këtë rrugëtim të mrekullueshëm.
Jemi një dhe do të vazhdojmë të rritemi së bashku, me forcën e gjuhës dhe kulturës sonë.
Faleminderit edhe një herë për gjithçka që po bëni!
Ne jemi gjithmonë gati për fëmijët tuaj.
Faleminderit
Me Respekt
Shkolla Iliriada Antwerpen Belgjik
