Dje dhe sot në shkollën “Ismail Qemali” në Prishtinë po mbahet trajnimi dy ditor me bazë në shkollë me temën: “Vlerësimi i Nxënësve – Praktika dhe Strategji”, shkruan AlbanianEducation.net.
Njoftimi:
Trajnim me bazë në shkollë!
Dje dhe sot, në shkollën tonë po mbahet trajnimi dy ditor me bazë në shkollë me temën: “Vlerësimi i Nxënësve – Praktika dhe Strategji”.
Zhvillimi profesional i mësimdhënësve, me bazë në shkollë, përfshin një qasje që synon përmirësimin e aftësive dhe njohurive të mësimdhënësve përmes aktiviteteve që lidhen drejtpërdrejt me mjedisin shkollor dhe nevojat e nxënësve.
Mësimdhënësit mund të bashkëpunojnë dhe ndihmojnë njëri-tjetrin në zhvillimin e praktikave në takime dhe diskutime profesionale për të shpërndarë ide dhe përvojat e tyre.
Vlerësimin dhe reflektimin mbi praktikat mësimore, mësimdhënësit mund ta analizojnë dhe rishikojnë me metodat dhe praktikat e tyre mësimore për t’u siguruar që të ofrojnë një mësimdhënie efikase.
Udhëheqësia e shkollës në këto raste ka ofruar mbështetje dhe udhëzime për mësimdhënësit, duke siguruar një mjedis të mbështetur për zhvillimin e vazhdueshëm profesional.
Ky proces i zhvillimit të mësimdhënësve ka për qëllim përmirësimin e cilësisë së mësimdhënies, ofrimin e mundësive të shumta për vlerësimin e nxënësve dhe ngritjen e performancës të suksesit në shkollën tonë.
#Zhvillimiprofesionalimësimdhënësve!
#Vlerësimiinxënësve!
#Rritjaecilësisënëmësimdhënie!
Me respekt,
Drejtoria e shkollës
