Sot u mbajt takimi i Ekipit për Vlerësimin e Performancës së Mësimdhënësve, i përbërë nga anëtarët:
MSc. Rrahim Bektashi, drejtor i shkollës
MSc. Akif Gas, zëvëndësdrejtor
MSc. Fellanza Kirajtani, koordinatore e cilësisë
MSc. Rrita Çollaku, psikologe e shkollës
MSc. Ermira Krusha, bashkëpunëtore e brendshme
MSc. Erleta Limani, bashkëpunëtore e brendshme
Fillimisht u percaktuan detyrat dhe përgjegjësitë e secilit prej anëtarëve të ekipit dhe u diskutuan përgatitjet finale për procesin e vlerësimit, i cili do të fillojë nga java e ardhshme. Pjesë e vlerësimit do të jenë të gjithë mësimdhënësit e shkollës sonë, sipas Udhëzimit Administrativ në fuqi, përcaktuar nga MASHT, me numër 14/2023, 15/2023 dhe 16/2023.
Gjithashtu, u përcaktua mbledhja informuese e cila do të mbahet nesër me mësimdhënësit e të dyja cikleve për të shpalosur planin e veprimit dhe specifikat e tij, duke e bërë shkollën tonë një ndër të parat që fillon me implementimin e këtij procesi.
Drejtori Bekteshi shprehu përkrahjen e plotë, ndërsa u uroi suksese të gjithë mësimdhënësve që do i nënshtrohen këtij vlerësimi.
