Më 20 qershor me një organizim madhështor është mbajtur ceremonia e diplomimit të maturantëve.
Fillimisht, zyrtarisht ceremoninë e diplomimit të maturantëve e hapi drejtori i gjimnazit, Izet Hoti.
Për një fjalë përshëndetëse u paraqit edhe i pari i komunës, Ekrem Kastrati dhe më pas drejtoresha e Drejtorisë për Arsim dhe Edukim, Arbëresha Krasniqi.
Gjatë kësaj ngjarjeje, në emër të kujdestarëve të klasave të maturantëve, u paraqit me një një fjalë përshëndetëse, prof. Muhamet Kastrati.
Poezinë “Dasmë e Madhe” të Ali Asllanit e recitoi nxënësja e klasës X – 6, Arnesa Hoti.
Në fund, u paraqit edhe Leonard Sopaj – Kryetar i Këshillit të Nxënësve, ku falënderoi profesorët e gjimnazit “Hamdi Berisha” për kujdesin, edukatën dhe formimin e dhënë gjatë këtyre viteve shkollimi dhe uroi të gjithë të diplomuarit.
Pas fjalimit të tij drejtuar profesorëve dhe maturantëve, i erdhi radha kryefjalës: Hedhjes së kapelove, ku një gjë të tillë Leonardi e pranoi nga ndrejtuesi i ceremonisë dhe shpalli zyrtarisht diplomimin.
Vlen të përmendet se hartues të këtij projekti janë, profesori i gjuhës shqipe, Arben Krasniqi dhe pedagogia e shkollës, Mirushe Buzhala-Krasniqi.
Këtë projekt për shkollën tonë e ka mbështetur financiarisht, kryetari i komunës, z. Ekrem Kastrati dhe drejtoresha e Drejtorisë për Arsim dhe Edukim në Malishevë, znj. Arbëresha Krasniqi.
Kjo ngjarje tashmë zyrtarisht është tradicionale në shkollën tonë.
Kolektivi i Gjimnazit “Hamdi Berisha” kanë uruar nxënësit për diplomimin dhe mbesin me shpresë që nxënësit tanë maturantë të mësyjnë dyerve të universitetit.
