Warren Fernald ishte njeriu i fundit që lindi në brigjet e ishullit Maine Isleford, SHBA, në 1927. Tani pas 93-vjetësh, mbesa e tij, Azaela Belle Grey, sjell në jetë fëmijën e saj të gjashtë. Pra, është foshnja e parë që ka lindur në ishull që nga stërgjyshi i saj. Pesë motrat dhe vëllezërit e tij kanë lindur jashtë ishullit dhe më pas janë kthyer në Isleford, pasi aty nuk ka spital. Azaela lindi në shtëpinë e saj në ishull më 26 shtator, raporton Bangor Daily News. Pas lindjes, prindërit e kuptuan se sa kohë kishte kaluar nga lindja e fundit në këtë ishull, i cili si shumë ishuj të tjerë në Maine, ka luftuar për ta mbajtur popullsinë larg pakësimit të saj.
Punët në komunitete të tilla ishullore janë kryesisht të kufizuara. Spitalet nuk janë e vetmja gjë që mungojnë, por edhe qasja në arsim, transport, internet ka vështirësi, madje edhe karburanti për ngrohje dhe energji elektrike mund të jetë i vështirë për t’u blerë. Por banorët punojnë për ta ndryshuar këtë vend dhe duket sikur ka një hile. Për një kohë të gjatë në ishull kishte më shumë të moshuar sesa fëmijë, por kohët e fundit, regjistrimi në shkollat e ishullit është rritur.
