SBASHK të dielën mbajti testet për dy grupe të mësimdhënësve pas përfundimit të trajnimit në programin ”Aplikimi i programeve kompjuterike në mësimdhënie” në Ferizaj dhe dy të tjera në komunën e Lipjanit.
Prezent gjatë testimit përveç Sekretarit të përgjithshëm të SBASHK-ut, Ymer Ymeri dhe zyrtarit ligjor, Blendor Shatri, ishte edhe kryetari i SPAK-ut, Fejzullah Vranofci dhe anëtarja e kryesisë në SBASHK, Hanife Saliu.
Të dielën, një grup i trajnimit në programin ”Aplikimi i programeve kompjuterike në mësimdhënie” filloi edhe në Gjakovë, me trajnere Litvana Spahija.
Mësimdhënësit, sikurse të shtunën ashtu edhe sot i vizitoi kryetari i SPAK-ut në Gjakovë, Zenun Nimani, i cili përcolli nga afër punimet e trajnimeve të filluara këtë vikend.
Në këtë qytet të shtunën filloi edhe një grup tjetër i trajnimit në programin e njëjtë, kurse në programet e licencuara të trajnimit nga SBASHK, aktualisht po vazhdojnë trajnimin edhe dhjetëra grupe tjera të trajnimit nëpër komuna të ndryshme të Kosovës.
