Një skandal ka ndodhur me projektimin e shkollës fillore “Harun Beka”, në Gushavc të Mitrovicës.
Burimet e “Jepi zë”, i kanë thënë gazetës se projekti nuk e ka paraparë fare kaldajën për ndezje, respektivisht për ngrohjen e shkollës.
Skandali bëhet edhe më i madh sepse, ani pse nuk ka kaldajë, projekti ka paraparë vendosjen e radiatorëve.
Sot nxënësit po vazhdojnë mësimin në kushte të vështira, për shkak të ambientit të ftohtë nëpër klasa.
Shkolla “Harun Beka” ishte përuruar gjatë fushatës zgjedhore, anipse nuk ishte e përfunduar tërësisht dhe mungonte invertari.
Mbledhja e bankave dhe karrikeve nga shkollat tjera ishte bërë vetëm që të hapet shkolla gjatë fushatës, për vota, ndërsa nga ajo ditë shkolla ende nuk është furnizuar me invertar të ri.
