Deputetja e PD-së, Albana Vokshi, ka publikuar një rast që thotë se ja ka denoncuar qytetar, ku ka të bëjë me një ngjarje që siç thuhet në ketë ndodhur në gjimnazin “Sasi Nuri” në Ndroq.
Sipas saj, drejtoresha e këtij gjimnazi ka larguar nga shkolla të gjithë nxënësit që kanë pasur mjekërr, shkruan Albanian Kids Education.
Denoncimi i saj:
Sipas një denoncimi nga një qyterar, Drejtoresha e Gjimnazit ‘Sasi Nuri’ Ndroq, para disa ditësh, ka nxjerrë jashtë shkolle të gjithë djemtë që kishin lënë mjekër.
Nëse kjo ngjarje është e vërtetë, Evis Kushi duhet të na shpjegojë: a ka një bazë ligjore, Vendim, Udhëzim mbi të cilin merret ky vendim nga ana e Drejtoreshës së Gjimnazit? Nëse nuk ka, atëherë duhen marrë masa të menjëhershme ndaj Drejtoreshës apo kujtdo tjetër që përpiqen të ndalin atë që ligji e lejon.
Apo u kthyem përsëri në kohën e Enverit kur mjekra dhe pantallonat e gjera ishin shfaqje e huaj e për to dënoheshe…
