Ka ndërruar jetë mësuesi Alban Bejleri. Mësuesi Alban raportohet se ndërroi jetë pas një ataku kardiak, duke lënë pas një shembull të rrallë sakrifice në shërbim të dijes.
Çdo ditë, ai përshkonte në këmbë 7 deri në 8 kilometra në terren të vështirë, vetëm për të mbërritur në shkollë dhe për të hapur derën e dijes për nxënësit e tij.
Ministrja e Arsimit, Mirela Kumabro Furxhi në postimin e saj thotë se mësuesi Albanan merrte rrugën çdo ditë pavarësisht terrenit të thyer e motit të vrazhdë e me kapriço të zonës së Gorës, për t’u çuar çdo ditë në krah dijen, shpresën dhe ëndrrat fëmijëve.
Njoftimi nga minsitrja Mirela Kumbaro Furxhi:
🖤 I hidhur fort lajmi për largimin e papritur të mësues Albanit nga të dashurit, kolegët dhe nxënësit që i deshi aq shumë e për të cilët merrte rrugën çdo ditë pavarësisht terrenit të thyer e motit të vrazhdë e me kapriço të zonës së Gorës, për t’u çuar çdo ditë në krah dijen, shpresën dhe ëndrrat fëmijëve dhe banorëve të atij komuniteti 🙏🏻
Lamtumirë mësues Albani! Edhe gurët e rrugicave të fshatit Marjan do ta ndiejnë mungesën tënde🕊️🕯️
