Naser Bresa është zgjedhur mesimdhënësi më i mirë në shkollën “Mustafa Bakiu” në Prizren, shkruan Albanianeducation.net.
Naser Bresa, do të ketë mundësinë për t’u shpallur edhe ndër mësimdhënësit më të mirë të Prizrenit
Njoftimi i shkollës:
NASER BRESA – MËSIMDHËNËSI MË I MIRË I SHKOLLËS
Të mërkurën, më 21 shkurt, u mbajt mbledhje e Këshillit të arsimtarëve me qëllim të përzgjedhjes së mësimdhënësit më të dalluar për vitin shkollor 2023-2024.
Në këtë mbledhje, të cilën e udhëhoqi drejtoresha e shkollës, znj. Behare Kryeziu e ku ishin të pranishëm edhe sekretari i shkollës, z. Jeton Bytyçi dhe koordinatorja e shkollës, znj. Tuba Koçbashli, morën pjesë pothuaj të gjithë mësimdhënësit e shkollës.
Drejtoresha fillimisht na njoftoi me kushtet dhe kriteret paraprake për përzgjedhjen e më të dalluarit e më pastaj hapi diskutimin për propozime.
Kësisoj pati disa propozime, ndërkohë, pasi u tërhoqën disa të propozuar, mbetën Naser Bresa dhe Gani Shinik.
Përzgjedhja u bë me vota të fshehta, me ç’rast u zgjodh Naser Bresa, i cili do të ketë mundësinë për t’u shpallur edhe ndër mësimdhënësit më të mirë të Prizrenit, pasi vërtet ka veti të dallara: përgatitje profesionale, përgatitja intelektuale, autoritativ te nxënësit, te mësimdhënësit dhe te prindërit dhe, mbase, është i vetmi në Prizren e në Kosovë që mban mësim në shkollën e mesme të ulët me titullin doktor i shkencës.
